நாய்க்குட்டி(குழந்தைப்பாடல்)
நாய்க்குட்டி நாய்க்குட்டி!
நானுங்கூடச் செல்லக்குட்டி.
அப்பாவுக்கு நல்லக்குட்டி.
அம்மாவுக்கு வெல்லக்கட்டி.
ஆடி ஓடிக் கூடலாம்
ஆருக்கும் உதவியும் செய்யலாம்.
பன்னும் பட்டரும் தின்னலாம்
இன்னும் நல்லா வளரலாம்
அம்மா சொல்லைத் தட்டாதே!
அடுப்படிப் பக்கம் போகாதே!
அங்கே இங்கே ஓடாதே!
எதையும் தட்டிக் கொட்டாதே!
வள வளப்புத் தரையிலே,
வழுக்கி விழவும் ஓடாதே!
நேரே நேரே நடக்கனும்
பாலை உறிஞ்சிக் குடிக்கனும்.
விடு விடுனு அலையாதே!
வீட்டுக்கு வெளியே ஓடாதே!
புடு புடுனு வண்டி வரும்.
பட்டு அடியும் வாங்காதே!
நல்ல பாப்பாப் பேரெடு!
நன்றி சொல்ல வாலாட்டு.
அப்பா பேச்சைக் கேட்கனும்.
தப்புச் செஞ்சா ஒத்துக்கனும்.
வீட்டைக் காப்பது உன் கடமை.
நாட்டைக் காப்பது என் கடமை.
வேண்டிக் கேட்டுச் சாப்பிடலாம்
வெறுக்கும் திருட்டை விலக்கிடலாம்.
கொ.பெ.பிச்சையா.
No comments:
Post a Comment