பத்திரம் பாப்பா!

பாப்பா நீ பத்திரம்.

பத்திரமாய் போய் வா!பாப்பா

பத்திரம் பத்திரம் போய்வா பாப்பா

பத்திரம் பத்திரமாய் போய் வா!பாப்பா.

பத்திரம் பத்திரம்  பாப்பா நீ பத்திரம்.

சித்திரம் உன்னை சிதைப்பார் பத்திரம்.

அப்பா அம்மா நேர்முக அனுமதி

அன்றி ஆரையும் நம்பாதே!

பத்திரமாய் போய் வா!பாப்பா

அறியா அந்நியர் எவரோடும் பழக்கம்

அரவே வேண்டாம் மறுத்திடனும்.

அறிந்தவ ரானாலும் அவசியம் இன்றி

அழைப்புக்கு விரும்பிப் போகாதே!

பத்திரமாய் போய் வா!பாப்பா

சின்னப் பொண்ணே  

சின்னப் பொண்ணே.

சிங்காரப் பொண்ணே!

தின்னப் பண்டம் எவர் தந்தாலும்

உண்ணக் கூடாது தெரிஞ்சுக்கோ!

உடன் செல்லக் கூடாது உணர்ந்துக் கோ!

பத்திரமாய் போய் வா!பாப்பா

மயக்கும்  மருந்தைக் 

கலந்துகொடுப்பான்

மனதிற் கொள்ளனும் புரிஞ்சுக்கோ!

மயக்கியுன்னை அவன் வசமாக்கி

மலருனைச் சிதைப்பான் அறிஞ்சுக்கோ!

பத்திரமாய் போய் வா!பாப்பா

அம்ம அப்பா அழைத்தா ரென்றே

பொய்யுஞ் சொல்லுவான். நம்பாதே!

அம்மாவை நான் அறிவேன் என்பான்.

அப்பாவுக்கு நான் நண்பன் என்பான்

ஆசையுங் காட்டுவான் அசையாதே!

பத்திரமாய் போய் வா!பாப்பா

தாத்தாப் பாட்டி அறிவே னென்றும்

தப்பாச் சொல்லுவான்.நெருங்காதே!

கூட்டி வரத்தான் சொன்னாரென்றே

கடத்தப் பார்ப்பான் தொடராதே!

பத்திரமாய் போய் வா!பாப்பா

வீட்டு வேலை ஆளானாலும்

விரும்பியும் பின்னேச் செல்லாதே!

ஒளித்து வைத்துப் பெற்றோரை மிரட்டி

பணங்காசு பறிப்பான் புரிஞ்சுக்கோ!

பத்திரமாய் போய் வா!பாப்பா

சின்னச் சின்னப் பிஞ்சுகள் கூட

சிதைக்கப் படுகிற வன்கொடுமை

பாலியல் மோசடி வன்புணர் மடமை

கதறல் அலறல் அவலங்கள்.

கல்நெஞ்சப் பாவியர் படுபாவங்கள்.

தினந்தினம்  நடக்குது அடாவடிகள்

பத்திரமாய் போய் வா!பாப்பா!

பத்திரம் போய்வா

பள்ளிக்கு நீயம்மா!

உத்திரவாதம் நிச்சயமில்லாக்

காதகர் கலிகாலம் கவனம்மா.

தொடரும் அச்சங்கள் பதறும் துச்சங்கள்

பத்திரமாய் போய் வா!பாப்பா

நிம்மதி இல்லா அம்மா இங்கே

நிலையா நின்றே  சிலையாக

நினையே எண்ணிக் காத்திருப்பேன்

வழியை நோக்கிப் பார்த்திருப்பேன்

பத்திரம் போய்வா பள்ளிக்கு நீயும்

பத்திரமாய் போய் வா!பாப்பா

கவிஞர்.கொ.பெ.பிச்சையா.

வெள்ளக் குதிரை.

வெள்ளக்குதிரை!((குழந்தைப்பாடல்)

வெள்ளக் குதிரை ஒன்று,

துள்ளி வருகிறது இன்று.

செல்லக் குழந்தைகளே நன்று!

அள்ளி மகிழுவீர் கண்டு.

வெள்ளை மனதே வெள்ளைக்

 குதிரை.

பள்ளம் மேடு பார்க்கிறது.

துள்ளித் துள்ளிப் பாய்கிறது!

கள்ளம் மனது இல்லாதே!

கனைத்து முன்னே விரைகிறது.

நினைவில் ஆணைக்குப் பணிகிறது.

கொள்ளைச் சாப்பிடும் குதிரையிது,

துள்ளுது பூமி அதிருது.

வெள்ளைப் புழுதி கிளப்புது.

தானே தரையில் புரளுது!

சோம்பல் நீக்கி நிற்கிறது.

நின்றே நிலையில் ஓய்கிறது.

ஒன்றே உறுதி கொள்கிறது.

பல்லைக் காட்டிக் கனைக்கிறது.

அன்பில் அப்படிச் சிரிக்கிறது!

பண்பில் விலங்கும் தெறிக்கிறது.

தீரன் அவன்தான் சின்னமலை,

வீரமங்கை  நாச்சியாரும்

தேடிக் கண்ட நற்குதிரை,!

போரில் சீறிய மேற்குதிரை.

நேருக்கு நேரே பாய்குதிரை.

சூரன் வீரன் கட்டபொம்மன்

வீரர் மருதவர் வேந்தர்களின்

போர்களில் பாய்ந்த மற்குதிரை!

ஆறுந் தாண்டும் போர்க்குதிரை.

சேறுக்கும் அஞ்சா செருக் குதிரை.

காட்டிக் கொடுத்தத் துரோகிகளை,

துரத்தி உதைத்தத் தென்குதிரை.!

மரணம் எண்ணா உரக் குதிரை.

சரணம் அடையா தமிழ்க் குதிரை.

தருணம் பாரா செயற் குதிரை.

குதிரை உணர்த்தும் பாடங்கள்,

பதித்து மனதில் ஓடுங்கள்.

வளரும் நல்லக் குழந்தைகளே!

வாலிபம் கடந்தும் பயின்றிடுவீர்!

கல்விக்கு என்ன கரை உண்டு!

பார்க்கப் பார்க்க ஊக்கம் எழும்.

தாத்தாப் பாட்டன் நினைவு வரும்.

வீணர் பகைவரை வென்ற கதை,

தானே தூண்டும் தன்னுணர்வை.

பார்வை அதிலே பலம் தெரியும்.

வீணே பகைமை வேண்டாமே.

தானே ஓய்ந்தும் தளராதே!

ஏனோ தானோ எண்ணாதே!

கடமை மறந்தும் ஓயாதே!

உடமை நினைந்தால் மானமே!

விதியை எண்ணி நோவோரை,

விலக்கி வெறுத்துத் தள்ளாதீர்!

கதியை ஊட்டி ஆளாக்கி,

கணக்கில் சேர்ப்பீர் சீராக்கி.

மதியை மதித்துக் கூராக்கி.

சமூக ஆர்வம் அவசரம்.

சுமூக சமூகம் அவசியம்.

வெள்ளைக் குதிரை மனதிலே,

வேகம் வளரனும் செயலிலே!

உள்ளம் ஊக்கம் இலக்காக.

கொ.பெ.பிச்சையா.

சேவல்.

சேவல் (குழந்தைப் பாடல்)

கொக்கரக் கொக்கரக்கோச் சேவலே!
கொண்டை ஆட்டும் சேவலே!
கக்கரப் புக்கரப் பாப்பாவை,
கண்டுக் கூவிக் கூப்பிடு!

வண்ண வண்ண இறகுகள்,
வளைந்த வாலுச் சேவலே!
சின்னச் சின்னப் பாப்பாவை
சிறகை விரித்துக் கூப்பிடு!

அசைந்து அசைந்து நடக்கிறாய்
அழகு நல்லச் சேவலே!
விரும்பி நீயும் பாப்பாவை,
இறகு தந்து கூப்பிடு"

கூரை மேலே ஏறு!

கூவிக் கூவிப் பாடு"
சோறு உண்ணப் பாப்பாவை,
சொல்லிச் சொல்லிக் கூவிடு!
.
கொண்டையைக் கொண்டைய ஆட்டுற

சண்டைக்கு வேண்டாம் சேவலே!
சந்தோசமாகப் பழகுவோம்.

சகோதரம் ஆகிக் கூடுவோம்.

காலைத் தினமும் கூவிடு!

கடமைகள் செய்ய ஏவிடு!
எழுப்பி உலகின் மாந்தரை

உழைப்பின் மாண்பைக் கூவிடு!

கொ.பெ.பி.அய்யா.
..

நல்வழி.

புதிய நல்வழி 5 (குழந்தைப் பாடல்)

நதிகள் எல்லாம் இணைப்போமே!
நாட்டு நலமும் செழிக்குமே!.
நிலங்கள் எல்லாம் நனைப்போமே!.
நீர் வளம் தங்கி நிலைக்குமே!
நுகரும் விலையும் சரியுமே!
நூதனம் பெருகி விரியுமே!
நெல்வயல் பரவிப் பெருகுமே!
நேரும் செல்வம் தேறுமே!
நொறுங்கி வறுமையும் சாகுமே!
நோக்கம் திருமை ஆகுமே!
நௌவும் கரை வந்து சேருமே!

நௌ---மரக்கலம்

கொ.பெ.பி.அய்யா.

நாய்க் குட்டி.

 நாய்க்குட்டி(குழந்தைப்பாடல்)

நாய்க்குட்டி நாய்க்குட்டி!

நானுங்கூடச் செல்லக்குட்டி.

அப்பாவுக்கு நல்லக்குட்டி.

அம்மாவுக்கு வெல்லக்கட்டி.

ஆடி ஓடிக் கூடலாம்

ஆருக்கும் உதவியும் செய்யலாம். 

பன்னும் பட்டரும் தின்னலாம்

இன்னும் நல்லா வளரலாம்

அம்மா சொல்லைத் தட்டாதே!

அடுப்படிப் பக்கம் போகாதே!

அங்கே இங்கே ஓடாதே!

எதையும் தட்டிக் கொட்டாதே!

வள வளப்புத் தரையிலே,

வழுக்கி விழவும் ஓடாதே!

நேரே நேரே நடக்கனும்

பாலை உறிஞ்சிக் குடிக்கனும்.

விடு விடுனு அலையாதே!

வீட்டுக்கு வெளியே ஓடாதே!

புடு புடுனு வண்டி வரும்.

பட்டு அடியும் வாங்காதே!

நல்ல பாப்பாப் பேரெடு!

நன்றி சொல்ல வாலாட்டு.

அப்பா பேச்சைக் கேட்கனும்.

தப்புச் செஞ்சா ஒத்துக்கனும்.

வீட்டைக் காப்பது உன் கடமை.

நாட்டைக் காப்பது என் கடமை.

வேண்டிக் கேட்டுச் சாப்பிடலாம்

வெறுக்கும் திருட்டை விலக்கிடலாம்.

கொ.பெ.பிச்சையா.

அகரவரிசை.

குழந்தைப்பாடல்(அகரவரிசை)

அப்பா இங்கே வா!! வா!

ஆடை வாங்கித் தா!தா!

இன்றே நாமும் போகலாம்.

ஈரக்காற்றில் மகிழலாம்..

உல்லாசமாய் இரயிலிலே

ஊட்டிமலைக் காணலாம்.

எழிலாம் மலர்க் கண் காட்சி

ஏரிப்படகும் இரசிக்கலாம்.

ஐ !ஐ!ஐயென ஆடலாம்

ஒன்றின் பின்னே ஒன்றாக

ஓடுது மேகஙகள் அழகாக.

ஔடதங்கள்  எல்லாமே

௮ஃதேயாகும் நலமாக.

கவிஞர்.கொ.பெ.பிச்சையா

சை

முக்காலக் கவிஞன்.

முக்காலக் கவிஞன்.

(குழந்தைப் பாடல்)

பாரதி யார்?

பாரதி யாரம்மா 

பாப்பா நீ கூறம்மா

பாரதத்தாய் சாரதியாம்

பாரதியார் தானம்மா.

பாரதிதான் பாரம்மா?

பாப்பா உனக்குத் தெரியுமா?

பாப்பா பாட்டுப் பாடிய

பாரதியார் தானம்மா..

ஓடி ஆடச் சொன்னவர்.

ஓயக் கூடாதென்றவர்.

காலை படிக்கச் சொன்னவர்.

கடியக் கூடாதென்றவர்

தலைப்பாக் கட்டு கவிஞராம்.

தடித்த மீசைக்காரராம்

பிறமொழிகள் தமிழோடு

விரும்பிப் படிக்கச் சொன்னாராம்.

கருப்புப் பொட்டு இட்டவர்,

கருப்புக் கோட்டும் அணிந்தவர்,

காளியைத்தான் வேண்டுவார்

கவிகள் பாடித் தூண்டுவார்..

கூடிப் பழகப் பாடினார்.

பாடி மகிழக் கூறினார்.

தேடித் தேடி தமிழனை

தேச உணர்வை ஊட்டினார்

புதுமை‌ப் பெண் கண்டவர்

புதுக்கவிதை துணிந்தவர்.

வசனக் கவிதை படைத்தவர்

திசைகள் யாவும் அறிந்தவர்.

நதிகளெல்லாம் இணையவே

நாடு வளம் செழிக்கவே

சேது வழி அமைக்கவே

சிறக்க நலம் சொன்னவர்.

ஈழமதைத் தமிழோடு

இணையப் பாலம் கேட்டவர்.

வாழுந்தமிழ் உலகினை

வரையத்திட்டம் போட்டவர்.

உலகக் கவி கீட்சையும்

உயரம் தாண்டி நின்றவர்.

திலகமான தமிழ் நாடே

உலகின் மூலம் என்றவர்.

மொழிகள் பலவும் கற்றவர்,

மொழி பெயர்ப்புச் செய்தவர்.

மொழிகளெல்லாம் பழகியே

தமிழே இனிமை என்றாரே.

சிட்டுகளின் நண்பரவர்

பட்டுவிடக் கூடாதென்றார்.

கெட்டழியும் சூழலை

தொட்டு அன்றே காட்டினார்.

பத்திரிக்கைகள் நடத்தினார்.

எத்திசையும் பரவினார்.

வெள்ளையனின் கண்ணிலே

விரலை விட்டு ஆட்டினார்.

எட்டையபுரம் பிறந்தவர்

இந்தியாவில் வாழ்ந்தவர்.

சாட்டையாகி சமூகத்தின்

சடங்குமுறை ஒழித்தவர்..

சாதிமதக் கொடுமைகளை

நீதி கூறி ஓட்டினார்.

வேதங்களும் பேசுவதை

விளங்கவே எடுத்துரைத்தார்.

காதல் செய் என்றவர்

கட்டுடல் கொண்டவர்

எமனையும் காலாலே

எட்டியே உதைத்தவர்.

முக்காலக் கவிஞரவர்

எக்காலமும் வாழுவார்.

இக்காலக் கவிஞருக்கும்

சொற்கோலம் சொன்னவர்.

கொ.பெ.பிச்சையா.

எம்.ஜி.ஆர்

எம்.ஜி.ஆர்.(குழந்தைப் பாடல்)

சொல்லிப் புரியனுமா- பாப்பா

துள்ளித் திரியனுமா- உனது

வெள்ளை மனம் போல-

எம்ஜியார்

வள்ளல் குணம் கேளு.

நீங்கள் நல்ல பிள்ளைகளாக,

உங்களை நம்பும் செல்லங்களாக

திங்கள் முகமவர் எம்ஜியார் பாடிய பாட்டு,

பொங்கும் ஊக்கம் தங்கட்டும் நல்ல குழந்தைகள் கேட்டு.

எங்கள் தங்கம் என்று தமிழகம் என்றும் கொண்டாடும்,

இதயக்கனி புரட்சி நடிகர் புரட்சித் தலைவராம்.

இறுதிவரை மூன்றுமுறை ஆண்ட முதல்வராம். 

தமிழகம் ஆண்ட முதல்வராம்.

வாரிக் கொடுத்த வள்ளலாக வாழ்ந்த பொன்மனம்,

நேர்மையாக நிசமாக ஆண்ட செம்மலாம்.

நாடும் செல்வம் ஏற்று ஏழ்மை வாழ்ந்த எம்ஜியார்,

வீடு வாசல் சொத்து எல்லாம் கொடுத்த எம்ஜியார்,

திரைப் படங்கள் எல்லாமே கதைப் படங்கள் ஆனாலும், அவர் படங்கள் சொல்லுவது அறத்தின் பாடஙகள்.

வாழும் போது வாழ்ந்த வரை மக்கள் திலகமே!

பூமி வாழும் காலம் மட்டும் எம்ஜியார் புகழே சாமியாம்.

கொ.பெ.பிச்சையா.

நிலாப் பாட்டு.

குழந்தைப் பாடல் 

 (நிலாப்  பாட்டு.)

நிலா வருது பாரடி!

நீயே அதனைக் கேளடி!.

உலாப் போவது எங்கேடி!

கூட்டிப் போக வருதடி.!

நிலா சாப்பிடச் சொல்லுது.

உலாக் கூப்பிட்டுச் செல்லுது.

தேடித் தேடி அலைகிறது.

ஓடி ஓடி ஒளிகிறது.

சாப்பிடு சாப்பிடு சாப்பிட்டு

கூப்பிடு நிலா ஓடிவரும்.

கூப்பிடு கூப்பிடு கூப்பிட்டு

கூடி நிலாவைத் தேடுவோம்.

கொடுத்துச் சோறு சாப்பிடு

கண்ணாம் மூச்சி விளையாடு.

சாப்பிட்டால் தான் ஓடலாம்.

கூடி விளை யாடலாம்.

ஓடி அலைஞ்சி தேடுது.

தேடி ஒளிஞ்சி‌ பார்க்குது.

சாப்பிடு சாப்பிடு சீக்கிரம்

கூப்பிட நிலா வந்துரும்.

 நிலா வானில் நீந்துது.

உலகைச் சுற்றிப் பார்க்குது.

உண்டால் நீயும் வளரலாம்.

உலகைச் சுற்றிப் பார்க்கலாம்.

அதோப் பாரு அங்கே!

இதோப் பாரு இங்கே!

அங்கே இங்கே எங்கே!

மங்குது ஒளிருது கண்டே!

பாலுஞ் சோறும் உண்டே!

பாப்பபா உன்னைத் தேடுதே.

உண்ணு உண்ணு சீக்கிர்ம்

கண்ணுறங்கிக் கூடலாம்.

கொ.பெ.பிச்சையா.

..

வஉசி

வ.உ.சி.///////குழந்தைப் பாடல்.

வ. உ. சி யார் தெரியுமா

வைரம் மனிதரவர் புரியுமா

வழக்கறிஞர் வ. உ. சியார்

வறுமைக்குச் சோறு போட்டவர்.

இப்புவியில் வெள்ளையரை
எதிர்த்துக் கப்பல் விட்டவர் 

கப்பல் ஓட்டிய தமிழன் யார்?

கண் மணியே நீ கூறு.

வழக்கறிஞர் வ.உ.சி என்பார்.
வரலா றறிந்த மாவீரர்.
பிள்ளை என்று சொன்னாலே
உள்ளம் பதறுவர் வெள்ளையர்

கட்டபொம்மன் விட்ட இடம்
தொட்ட தியாகச் செம்மலவர்.
ஓட்டப்பிடாரம் உலக நாதர்
பெற்ற பிள்ளை வள்ளலவர்.

செக்கிழுத்த செம்மல் இவர்
சொத்திழந்த சுதந்திர வீரர்.
உரிமை மீட்கப் போராடி

சிறைப் பட்டுக் கல்லுடைத்தார்.

வாழும் நாட்டின் உரிமைக்காக

நாளும் தானே வழக்காடினார்.
பட்டம் பதவி எல்லாத்தையும்
பறிகொடுத்து வறுமைப் பட்டார்.

இந்தியாவில் ஒருவரவர்
ஐயா வ.உ.சி என்பதவர்
சிங்கம் அவர் தென் தமிழர்
சிதம்பரனார் என்பது பேர்.

மிச்சந்தன் உயிர் அதையும்
துச்சம் என்றே துறந்தாரு.
முத்தமிட்டுப் பாரதத்தை
முன் மொழிந்தாரு.
கட்டாயம் விடியும் என்றே
கண் அயர்ந்தாரு.

கொ.பெ.பி.அய்யா.

ஏழைக்காக எம்ஜிஆர்

வள்ளல் எம்ஜியார்

(குழந்தைப் பாடல்)

எம்ஜியாரு எம்ஜியாரு
என்பதே அவர் பேரு
என்றும் அவர் நம்மோடு
வாழ்கிறாரு சூப்பர் ஸ்டாரு.

அன்பு கொண்ட நெஞ்சங்கள்
அவருக்குள்ள சொந்தங்கள். 

குழந்தையுள்ளம் கொண்டவர்.
கொஞ்சும் தமிழ் எம்ஜியாரு.

பேசும் தமிழ் இதயங்கள்

வாழுங் கனி எம்ஜியார்.

மக்கள் போற்றும் தலைவராம்.

மக்கள் திலகம் எம்ஜியார்.

செல்லச் சின்னப் பிள்ளைகள்

நல்ல நாளைத் தலைவர்கள்.

பண்பில் மேலே உயரவே

படிக்கச் சொன்னார் எம்ஜியார்.

சத்தாய் உணவு உண்ணவும்  

கருத்தாய் பாடம் படிக்கவும்

புத்தகம் பை பேனாவுடன்

மொத்தமும் கொடுத்தார் எம்ஜியார்.

தமிழகத்தின் முதல்வராய்

தலை சிறந்து ஆண்டவர்.

நல்ல குணம் கொண்டவர்,

வள்ளல் மனம் எம்ஜியார்,

உழைத்துச் சேர்த்தப் பொருளை எல்லாம்,

களைத்து வியர்த்த ஏழைக் களித்தார்.

பிறருக்காக வாழ்ந்த எம்ஜியார்

உறவுக்காக என்ன வைத்தார்?

கொ.பெ.பிச்சையா.

கண்சிமிட்டும் நட்சத்திரம்.

மின்னும் நட்சத்திரம்.

சின்னச் சின்ன நட்சத்திரம்

விண்ணில் மின்னும் நட்சத்திரம்.

என்னே நீ அதிசயம்.!

பார்க்க ரொம்பச் சின்னது--ஆனால் 

பலமடங்குப் பெரியது.

உனக்கும் மேலே எத்தனை தூரம்?

கண்கள் சிமிட்டும் அழகைப் பாரு

கண்ணைப் பறிக்கும் வைரம் போலவே!

மின்மினுப் பூச்சிகள் சொலிப்பதைக் கேளு.

 

கொ.பெ.பிச்சையா.

நலம் பழகு.

புதிய  நல்வழி!-3

சரித்திரம் பழகு!

சாத்திரம் விலகு!

சிறப்புக்கு உயர்க!

சீர்மை தொடர்க!

சுருஙகப் பேசு!

சூதினை ஓழி!

செம்மை மேவு!

சேவை மகிழ்க!

சைவம் போற்று!

சொர்ககம் படை!

சோம்பலை மற!

சௌந்தர்யம் மயங்காதே!

கொ.பெ.பி.அய்யா.

சின்னஞ் சிறு கிளி.

சின்னஞ்சிறுக் கிளியே!(குழந்தைப் பாடல்)

சின்னஞ்சிறு கிளியே !

செல்வக் களஞ்சியமே!

எண்ணப் பெருங்கொடையே!-என்றும்

இனிக்கும் தேனமுதே!(சின்ன)

உன்னைத் தீண்டையிலே

உள்ளம் குளிர்கிறதே!

என்னை நினைக்கையிலே!-கர்வம்

ஏறி வளர்கிறதே!(சின்ன)

அன்னை மடியினிலே!

ஆசை நிறைத்தவளே!

உன்னை அவள் வடிவில்

எண்ணக்  கிடைத்தவளே!(சின்ன)

தன்னை உணவாக்கி இன் ரன்

அன்னை வளர்த்தாளே

உன்னில் என்னுயிரை-அவள்

ஊட்டி வடித்தாளே!(சின்ன)

முன்னைப் பெரியவர்கள்

உன்னில் தெரிகின்றரே.

இந்நாள் என் தோளில்—நீயோ

பிந்நாளை எழுதுகிறாய்.(சின்ன)

பெண் நீ பிறப்பதற்கு 

முன்தவம் இருந்ததற்கு

உன்னைப் பெற்றதற்கு-இறைவன்

உதவினான் வாழ்வதற்கு.(சின்ன)

பெண்ணின் பெருமைகளும்

உன்னில் அருமை சொலும்.

அன்னைத் தந்தையரும்—உன்னால் 

அடைவோம் அருமைகளும்.(சின்ன)

உன்னைப் பெற்றதற்கும்

உலகம் எம்மைப் போற்றும்

பெண்ணை ஏற்றுதற்கும்—நீயும்

உன்னை ஈந்திடணும்(சின்ன)

பழைமை மடைமைகளை

அவரின் மற்றத்து ஒழித்திடணும்.

பெண்மைத் தன்மை காத்தும்-தமிழின்

பண்பைக் காத்திடணும்.(சின்ன)

கற்றும் உயர்ந்திடணும்.

சுற்றம் அறிந்திடும்.

நுட்பந் தெளிந்திடணும்—கருத்தில்

திட்பம் நின்றிடணும்.

(சின்ன)

கொ.பெ.பிச்சையா.

  

காக்கை போல.

கூடி வாழ்வோமே.(குழந்தைப்பாடல்)

காக்கை போலக் கூடுவோம்-அது
காட்டும் நீதி பாடுவோம்.
பகிர்ந்து உண்டு வாழுவோம்-பிறர்
பசியைப் போக்க உதவுவோம்

எறும்பு போன்று உழைத்திடுவோம்-அது
இயங்கும் வாழ்வு வாழ்ந்திடுவோம்
சேர்க்கும் காலஞ் சேர்த்திடுவோம்-எதிர்
நோக்கும் நாளும் பார்த்திடுவோம்.

பாம்பும்  கூட நல்லதே!--அது
படத்தை விரித்துச் 

சொல்லுதே!

தேடிப் போயித் தீண்டாதே-தீய
தீவிர வாதம் செய்யாதே.

கிளியும் கண்டு பேசுது--பேசும்
மொழியும் கேட்டுப் பழகுது.
மொழிக்குச்  சண்டை போடாது--தமக்குள்
முட்டி மோதிச் சாகாது.

விலங்குகளைப்‌ மண்பாருஙகள்-அவை
வாழும் வனந் தாருஙகள்.
பேதம் அறியா வாழ்வினை-அதனில்
மனிதம் பழகிப்  படியுங்கள்.

பேதமில்லாமல் பறவைகள். 
சேதமில்லா உறவுகள்.

மனிதன் மட்டும் இனங்கூவி--அய்யோ.
மனம் கெட்டு வாழ்வதேன்?

பகவான் படைத்த படைப்பெல்லாம்--மனிதன்
பழகிப் புரிந்து அறிவதற்கே!--

மனிதன் தன்னை திருத்தி வாழ-- 
படிக்கும் பள்ளி உலகமே!

கொ.பெ.பிச்சையா.

⁶

வட்ட நிலவே வி.

வட்ட நிலவே வா வா.

வட்ட நிலவே வா !வா!

கிட்டக் கிட்ட வா ! வா!

எட்ட எட்டக் கிட்டக் கிட்ட 

தொட்டு விளையாட வா! வா!

வெள்ள வெள்ளிச் சட்டையோ!

வேக மாகப் போவாயோ!

சொல்லைக் கேட்க மாட்டாயோ!

செல்லக் குட்டி வருவாயோ!

ஒளிஞ்சு விளை யாடுகிறாய்

ஓடி ஓடித் தேடுகிறாய்.

பாப்பா இங்கே இருக்குறேன்

பாராமல் ஏனோ ஓடுகிறாய்.

கண்டு பிடித்தது நானேதான்

கட்டி முத்தம் தந்திடுவாய்.

வந்து குதிரை ஏறுவேன்.

வரா விட்டால் தேடுவேன்.

கொ.பெ.பி.அய்யா.

.

குட்டி சைகிள்.

3)குட்டிச் சைக்கிள்,,

குட்டிக் குட்டிச் சைக்கிளாம்..

குட்டி ஓட்டும் சைக்கிளாம்..

சுழட்டி சுழட்டி ஓட்டினால்

சுழன்று ஓடும் சைக்கிளாம்.

மூன்று சக்கர சைக்கிளாம்

முன்னும் பின்னும் ஓட்டலாம்.

சாய்ந்தாலும் ஓட்டலாம்..

சாய்ந்திடாத சைக்கிளாம்.

வளைந்து வளைந்து ஓட்டலாம்.

வட்டமிட்டும் ஓட்டலாம்.

அம்மா அப்பா பிடிக்காமல்.

அப்படியே ஓட்டலாம்

வீட்டுக்குள்ளும் ஓட்டலாம்..

வீதியிலும் ஓட்டலாம்.

காற்று இல்லா சைக்கிளாம்.

கவலை யின்றி ஓட்டலாம்..

கொ.பெ.பி.அய்யா.